Eñaut Urkola, Arane baserriko trebalaria

Eñaut Urkola, Trebatu programako Trebalaria: Nire asmoa da ustiapen honekin jarraitzea. Juan Luisek erretiroa hartzen duenean, behiak kendu beharrean, Arane baserriari jarraipena ematea.

Eñaut Urkola, Trebalari moduan dabil Arane baserrian. Gaur egun, 25 abelburu zaintzen ditu eta ekoizten duen esnea, Oiartzunen kokatzen den makina baten eta Kaiku enpresaren artean banatzen du.

Gaztetatik sentitu du lurraren eta lehen sektorean lan egitearen aldeko grina, eta Trebatu programari esker, abeltzain gisa lan egiteko aukera du. Berak helburu argia du: Arane baserriari jarraipen ematea “nire asmoa da ustiapen honekin jarraitzea. Juan Luisek erretiroa hartzen duenean, behiak kendu beharrean, Arane baserriari jarraipena ematea. Trebatu programari esker, hemen jarraitu nahi dudan ala ez baloratu dezaket”.

Esperientzia ona izaten ari dela dio Urkolak “ostegun eta ostiraletan Fraisoro zentrora bertaratzen naiz formakuntza jasotzera, eta astean zehar Juan Luisekin baserrian egiten dut lan. Egia esan, oso gustura nago”.
Eñautek beste gazte batzuk animatzen ditu Trebatu bezalako programekin bat egitera “programa honi esker, errazagoa da lehen sektorean sartzea. Nik, lehen sektorean lan egin nahi duten pertsona guztiak animatuko nituzke”.